Pwoveb 24 | HCB Bible Study

« Pwoveb 23

Pwoveb 25 »

Pwoveb 24:1 (HCB)
Pa anvye sò mechan yo. Pa chache fè zanmi ak yo.

Pwoveb 24:2 (HCB)
Yon sèl bagay ki nan tèt yo, se fè mechanste. Yon sèl pawòl ki nan bouch yo, se fè moun mal.

Pwoveb 24:3 (HCB)
Bon konprann ap fè kay ou kanpe. Bon konesans ap fè l' kanpe fèm.

Pwoveb 24:4 (HCB)
Kote ki gen konesans, pyès kay yo plen ak bon bagay ki koute chè.

Pwoveb 24:5 (HCB)
Pito ou gen bon konprann pase ou gen fòs. Wi, moun ki gen konesans vo plis pase moun ki gwonèg.

Pwoveb 24:6 (HCB)
Paske, se pou ou ranje plan ou anvan ou antre nan batay. Plis ou gen moun k'ap ba ou konsèy, plis ou gen chans pou ou genyen batay la.

Pwoveb 24:7 (HCB)
Pawòl moun konprann twò wo pou moun san konprann. Yo pa gen anyen pou yo di kote koze serye ap pale.

Pwoveb 24:8 (HCB)
Lè yon moun tout tan ap kalkile jan pou l' fè sa ki mal, y'ap rele l' malveyan.

Pwoveb 24:9 (HCB)
Tou sa moun san konprann gen lide fè, se fè sa ki mal. Konsa tou, moun pa vle wè moun k'ap plede pase moun nan betiz.

Pwoveb 24:10 (HCB)
Si jou malè ou pa gen kouraj pou kenbe, ou pa t' janm gen fòs vre.

Pwoveb 24:11 (HCB)
Delivre moun y'ap trennen pou y' al touye. Sove moun y'ap bourade pou y' al egzekite.

Pwoveb 24:12 (HCB)
Si ou pran pòz ou pa t' konn sa, chonje Bondye. Li menm k'ap jije sa ki nan kè moun, l'ap wè sa. Li menm k'ap veye tou sa w'ap fè, l'ap konn sa. L'ap fè tout moun peye pou sa yo fè.

Pwoveb 24:13 (HCB)
Pitit mwen, bwè siwo myèl, sa bon pou ou. Menm jan siwo myèl k'ap koule soti nan gato myèl dous nan bouch ou,

Pwoveb 24:14 (HCB)
se konsa konesans ak bon konprann bon pou nanm ou. Si ou genyen yo, w'a fè chemen ou nan lavi. Sa w'ap tann lan, lavalas p'ap pote l' ale.

Pwoveb 24:15 (HCB)
Pa janm fè plan tankou mechan yo pou chache fofile kò ou anndan kay moun k'ap mache dwat. Pa chache devalize kote l' rete a.

Pwoveb 24:16 (HCB)
Paske, moun k'ap mache dwat yo te mèt tonbe sèt fwa. Pa pè, y'ap toujou leve ankò. Men, nan mechanste yo, mechan yo ap tonbe, yo p'ap ka leve ankò.

Pwoveb 24:17 (HCB)
Pa prese fè kè ou kontan lè malè rive lènmi ou. Pa kouri fè fèt lè li bite.

Pwoveb 24:18 (HCB)
Seyè a ap wè sa. Sa p'ap fè l' plezi. Li ka rive pa pini l' poutèt sa.

Pwoveb 24:19 (HCB)
Pa kite moun k'ap fè sa ki mal fè ou pèdi tèt ou. Pa anvye sò mechan yo.

Pwoveb 24:20 (HCB)
Paske mechan yo pa pral lwen. Lavi yo tankou yon lanp k'ap mouri.

Pwoveb 24:21 (HCB)
Pitit mwen, gen krentif pou Seyè a. Respekte wa a. Ou pa gen anyen pou ou wè ak moun k'ap kenbe tèt ak yo.

Pwoveb 24:22 (HCB)
Moun sa yo ap rete konsa, malè ap tonbe sou yo. Ou pa janm konnen ki kalite malè Seyè a osinon wa a ka fè rive sou ou.

Pwoveb 24:23 (HCB)
Men lòt pawòl moun ki gen bon konprann yo te di ankò. Sa pa bon pou yon jij gade sou figi moun lè l'ap rann jijman.

Pwoveb 24:24 (HCB)
Lè yon jij di yon moun ki fè sa ki mal: Se ou ki gen rezon, jij sa a, tout moun gen pou madichonnen l'. Y'ap rayi l' toupatou sou latè.

Pwoveb 24:25 (HCB)
Men, jij ki pini moun ki antò a va gen kè kontan. Bondye va beni l'. Tout zafè l' va mache byen.

Pwoveb 24:26 (HCB)
Lè ou bay yon bon repons, ou aji tankou yon bon zanmi.

Pwoveb 24:27 (HCB)
Regle tout zafè ou. Mete jaden ou anfòm. Apre sa, ou mèt tabli.

Pwoveb 24:28 (HCB)
Pa leve pale sou do frè parèy ou san rezon. Pa bay manti sou li.

Pwoveb 24:29 (HCB)
Pa janm di li fè m', m'ap fè l' tou. M'ap fè l' peye sa li fè a.

Pwoveb 24:30 (HCB)
Mwen pase bò jaden yon nonm parese, bò jaden rezen yon moun ki san konprann.

Pwoveb 24:31 (HCB)
Pikan te fin pran jaden an nèt. Move zèb t'ap pouse toupatou. Lantouraj jaden yo te fin tonbe.

Pwoveb 24:32 (HCB)
Lè mwen wè sa, mwen kalkile. Mwen gade, sa ban m' yon leson.

Pwoveb 24:33 (HCB)
Dòmi, kabicha, kouche sou do, kwaze men ou dèyè tèt ou... Se bon!

Pwoveb 24:34 (HCB)
W'ap rete konsa, w'ap wè ou pòv. Mizè ap tonbe sou ou tankou yon ansasen san ou pa atann.

Previous Chapter
« Pwoveb 23

Next Chapter
Pwoveb 25 »

Pwoveb (HCB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

HCB Book Selection List

View full list of HCB Bible Books and Chapters