Pwoveb 18 | HCB Bible Study

Pwoveb 18:1 (HCB)
Moun k'ap viv apa se tèt li ase li konnen. Li move sou tout moun ki vle ba li bon konsèy.

Pwoveb 18:2 (HCB)
Moun sòt pa pran plezi l' nan chache konprann. Tou sa l'ap chache se fè moun konprann li gen lespri.

Pwoveb 18:3 (HCB)
Y'ap meprize moun k'ap fè mechanste. Moun ki pa fè respè tèt yo gen pou yo wont.

Pwoveb 18:4 (HCB)
Pawòl moun ki gen konprann fon kou lanmè, fre tankou yon sous k'ap koule tout tan.

Pwoveb 18:5 (HCB)
Sa pa bon pou ou pran pou moun mechan, ni pou ou enpoze yo rann moun inonsan jistis.

Pwoveb 18:6 (HCB)
Depi moun sòt ap pale, se kont l'ap chache. Si ou koute pawòl nan bouch li, w'a ba l' kou.

Pwoveb 18:7 (HCB)
Bouch moun sòt se kondannasyon li. Pawòl ki soti nan bouch li tounen pèlen pou li.

Pwoveb 18:8 (HCB)
Tripotay dous nan zòrèy moun ki vle tande yo. Sa mache nan san yo.

Pwoveb 18:9 (HCB)
Moun ki parese nan travay li se menmman parèyman ak moun k'ap defèt sa k'ap fèt.

Pwoveb 18:10 (HCB)
Seyè a, se yon gwo ranpa byen solid. Se la moun k'ap mache dwat yo kouri al chache pwoteksyon.

Pwoveb 18:11 (HCB)
Pou moun rich yo, byen yo tankou yon ranpa byen solid. Yo mete nan tèt yo se sa k'ap pwoteje yo.

Pwoveb 18:12 (HCB)
Lè w'ap fè awogans, yo pa lwen kraze ou. Lè ou fè kò ou piti, y'a fè lwanj ou.

Pwoveb 18:13 (HCB)
Moun ki prese reponn san koute sa y'ap di l', se moun sòt li ye. Li gen pou l' wont.

Pwoveb 18:14 (HCB)
Lè yon moun anvi viv, sa ede l' anpil lè li malad. Men, si li dekouraje, ki moun ki ka remoute kouraj li?

Pwoveb 18:15 (HCB)
Yon moun lespri ap toujou chache gen plis konesans. Zòrèy moun ki gen bon konprann toujou pare pou l' ka konnen plis toujou.

Pwoveb 18:16 (HCB)
Kado ou fè louvri chemen pou ou toupatou, ata chemen ki mennen lakay grannèg.

Pwoveb 18:17 (HCB)
Moun ki pale anvan nan tribinal toujou sanble li gen rezon. Lè lòt moun lan parèt, kat je kontre, manti kaba.

Pwoveb 18:18 (HCB)
Lè de grannèg gen kont, jij yo fè tiraj osò pou konnen kilès pou yo bay rezon.

Pwoveb 18:19 (HCB)
Li pi fasil pou mete lapè nan yon gwo lavil pase pou ou rekonsilye de frè ki nan kont. Lè yo fache, kè yonn se pòt prizon pou lòt.

Pwoveb 18:20 (HCB)
Rekonpans yon moun chita sou sa ki soti nan bouch li.

Pwoveb 18:21 (HCB)
Sa ou di ka lavi pou ou, li ka lanmò pou ou. Sa ou chwazi, se sa w'ap jwenn.

Pwoveb 18:22 (HCB)
Lè yon nonm jwenn yon bon madanm, se yon bon bagay. Se yon gwo favè Seyè a fè l'.

Pwoveb 18:23 (HCB)
Lè yon pòv ap pale, li toujou nan tanpri souple. Men, moun rich toujou ap rele sou moun.

Pwoveb 18:24 (HCB)
Gen zanmi se pran yo vin pran. Men, gen zanmi tou yo plis pase frè.

Previous Chapter
« Pwoveb 17

Next Chapter
Pwoveb 19 »

Pwoveb (HCB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

HCB Book Selection List

View full list of HCB Bible Books and Chapters