Job 23 | HCB Bible Study

Job 23:1 (HCB)
Lè sa a, Jòb pran lapawòl, li di konsa:

Job 23:2 (HCB)
Fwa sa a ankò, m'ap kenbe tèt ak Bondye, m'ap plenyen nan pye l'. Se plenn m'ap plenn pou sa m'ap pase anba men l'.

Job 23:3 (HCB)
Si m' te ka konnen kote pou m' jwenn li, mwen ta rive kote l' ye a.

Job 23:4 (HCB)
M' ta defann kòz mwen devan li. M' ta di l' dènye sa ki nan lide m' pou defann tèt mwen.

Job 23:5 (HCB)
M' ta konnen jan l'ap reponn mwen, m' ta tande sa l'ap di m'.

Job 23:6 (HCB)
Eske Bondye tapral sèvi ak tout fòs li pou diskite avè m'? Non. Li ta rete koute m' ase.

Job 23:7 (HCB)
Li ta wè moun k'ap pale avè l' la se yon moun ki toujou mache dwat. Li menm k'ap jije m' lan, li ta rekonèt mwen inonsan.

Job 23:8 (HCB)
M' ale bò solèy leve, Bondye pa la. M' ale bò solèy kouche, mwen pa wè l' tou.

Job 23:9 (HCB)
Mwen moute nan nò al chache l', m' pa wè l'. Mwen desann nan sid, bichi!

Job 23:10 (HCB)
Men, Bondye konnen tout ti vire tounen mwen. Si li sonde m', l'a wè m' bon tankou bon lò ki pase nan dife.

Job 23:11 (HCB)
M' mache pye pou pye dèyè l'. M' swiv chemen li mete devan m' lan. M' pa janm devire ni adwat ni agoch.

Job 23:12 (HCB)
Mwen toujou fè tou sa li bay lòd fè. Mwen te fè volonte l', mwen pa fè sa m' te gen nan tèt mwen.

Job 23:13 (HCB)
Men, lè Bondye fin deside yon bagay, ki moun ki ka fè l' chanje lide? Ki moun ki ka enpoze l' fè sa li vle fè a?

Job 23:14 (HCB)
L'ap toujou fè m' sa li vle fè m' lan. Sa se yonn nan tout bagay li deside fè yo.

Job 23:15 (HCB)
Se poutèt sa, m'ap tranble devan l'. Lè m' chonje sa, mwen soti pè l'.

Job 23:16 (HCB)
Men wi, se Bondye k'ap kraze kouraj mwen. Se Bondye menm mwen soti pè. Se pa fènwa a.

Job 23:17 (HCB)
Fènwa a kache Bondye pou m' pa wè l'. L' enpoze m' santi prezans li. Se tout!

Previous Chapter
« Job 22

Next Chapter
Job 24 »

Job (HCB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42