Lik 22 | HCB Bible Study

Lik 22:1 (HCB)
Fèt Pen san ledven yo, ki vle di fèt Delivrans jwif yo, te prèt pou rive.

Lik 22:2 (HCB)
Chèf prèt yo ak dirèktè lalwa yo t'ap chache yon riz pou yo fè touye Jezi, paske yo te pè pèp la.

Lik 22:3 (HCB)
Lè sa a, Satan antre nan tèt Jida yo te rele Iskariòt la, yonn nan douz disip yo.

Lik 22:4 (HCB)
Jida al jwenn chèf prèt yo ak chèf gad ki t'ap veye tanp lan. Li di yo ki jan li ta ka fè yo pran Jezi.

Lik 22:5 (HCB)
Yo pa t' manke kontan, yo pwomèt pou yo ba l' lajan.

Lik 22:6 (HCB)
Li tonbe dakò ak yo. Se konsa Jida t'ap chache yon bon okazyon pou l' te fè yo pran Jezi san foul la pa konnen.

Lik 22:7 (HCB)
Jou fèt Pen san ledven an te rive; se jou sa a pou yo te touye ti mouton yo pou manje Delivrans lan.

Lik 22:8 (HCB)
Jezi voye Pyè ak Jan, li di yo konsa: Ale pare manje Delivrans lan pou n' kapab manje li.

Lik 22:9 (HCB)
Yo mande li: Ki bò ou ta vle nou pare li?

Lik 22:10 (HCB)
Li di yo: Gade. Lè n'a antre lavil la, n'a kontre ak yon nonm k'ap pote yon krich dlo; swiv li jouk nan kay kote la antre a.

Lik 22:11 (HCB)
N'a di mèt kay la: Mèt la voye mande ou kote pyès kay pou l' manje manje Delivrans lan avèk disip li yo?

Lik 22:12 (HCB)
Lè sa a la moutre nou yon gwo chanm anwo kay la, tou pare, tou meble. Se la n'a pare manje Delivrans lan.

Lik 22:13 (HCB)
Yo pati, yo jwenn tout bagay jan l' te di yo a. Epi yo pare manje Delivrans lan.

Lik 22:14 (HCB)
Lè lè a rive, Jezi chita bò tab la avèk apòt yo pou manje.

Lik 22:15 (HCB)
Li di yo: Mwen pa t' manke anvi manje manje Delivrans sa a avè n' anvan m' al soufri.

Lik 22:16 (HCB)
Paske, m'ap di nou sa: mwen p'ap janm manje l' ankò jouk jou la pran sans li nèt vre nan peyi kote Bondye Wa a.

Lik 22:17 (HCB)
Apre sa, li pran yon gode, li di Bondye mèsi, epi l' di: Men gode sa a, separe l' bay chak moun nan nou;

Lik 22:18 (HCB)
paske, m'ap di nou sa, depi koulye a mwen p'ap bwè diven ankò jouk lè Bondye va vin pran pouvwa a nan men li.

Lik 22:19 (HCB)
Apre sa, li pran pen, li di Bondye mèsi, li kase li. Li ba yo l', epi li di yo: Sa se kò mwen. Se mwen menm ki bay li pou nou. Se pou nou fè sa pou nou ka toujou chonje mwen.

Lik 22:20 (HCB)
Menm jan an tou, apre yo fin manje, li ba yo gode diven an. Li di yo: Gode sa a, se nouvo kontra Bondye pase ak moun. Se avèk san m' ki koule pou nou an li siyen l'.

Lik 22:21 (HCB)
Men gade! Moun k'ap trayi m' lan, li la bò tab la ansanm ak mwen!

Lik 22:22 (HCB)
Moun Bondye voye nan lachè a pral mouri jan Bondye te vle l' la, se vre. Men, malè pou moun ki trayi l' la!

Lik 22:23 (HCB)
Latou, yonn pran mande lòt kilès nan yo la a ki pral fè bagay sa a.

Lik 22:24 (HCB)
Epi yon gwo diskisyon leve nan mitan disip yo. Yo te vle konnen kilès nan yo ki te dwe pase pou pi grannèg.

Lik 22:25 (HCB)
Jezi di yo: Nan tout peyi, wa se kòmande yo kòmande, moun ki chèf fè nou rele yo Bon papa.

Lik 22:26 (HCB)
Men pou nou menm, se pa konsa pou sa ye. Okontrè, sak pi grannèg nan mitan nou an, se pou l' tankou pi piti a; sa k'ap kòmande a, se pou l' tankou sa k'ap sèvi a.

Lik 22:27 (HCB)
Kilès ki pi grannèg: moun ki chita bò tab la, osinon moun k'ap sèvi l' la? Moun ki chita bò tab la, pa vre? Tansèlman, mwen menm mwen nan mitan nou tankou moun k'ap sèvi a.

Lik 22:28 (HCB)
Nou menm, nou se moun ki kenbe fèm avè m' nan tout tribilasyon mwen yo.

Lik 22:29 (HCB)
Se poutèt sa, menm jan Papa a te ban m' dwa pou m' gouvènen nan peyi kote li wa a, mwen menm tou, m'ap ban nou dwa sa a.

Lik 22:30 (HCB)
N'a manje, n'a bwè sou tab ansanm avè m' sou govènman mwen an. M'a mete nou chita sou bèl fotèy pou nou jije douz branch fanmi Izrayèl la.

Lik 22:31 (HCB)
Simon, Simon, koute: Satan mande pouvwa pou l' pase nou tout nan laye, tankou grenn y'ap vannen.

Lik 22:32 (HCB)
Men, mwen lapriyè pou ou, Simon, pou konfyans ou nan Bondye pa febli. Ou menm, lè wa tounen vin jwenn mwen, bay frè ou yo fòs.

Lik 22:33 (HCB)
Pyè di li: Mèt, mwen pare pou m' al nan prizon avè ou, pou m' mouri menm avè ou.

Lik 22:34 (HCB)
Jezi reponn li: Pyè, tande sa m'ap di ou: kòk p'ap gen tan chante jòdi a, w'ap di ou pa konnen m' pandan twa fwa.

Lik 22:35 (HCB)
Jezi di yo ankò: Lè m' te voye nou san lajan, san manje, san soulye, èske nou te manke kichòy? Yo reponn li: Nou pa t' manke anyen.

Lik 22:36 (HCB)
Li di yo: Bon, koulye a, moun ki gen yon lajan, se pou l' pran l'; sa ki gen manje se pou l' pran l' tou. Moun ki pa gen nepe, se pou l' vann rad li pou l' achte yonn.

Lik 22:37 (HCB)
Paske, tande byen sa m'ap di nou: pawòl ki te ekri a, fòk li rive vre nan lavi mwen: Yo mete l' ansanm ak mechan yo. Wi, sa ki ekri sou mwen an pral rive.

Lik 22:38 (HCB)
Disip yo di li: Mèt, men de nepe. Li di yo: Sa kont.

Lik 22:39 (HCB)
Apre sa, Jezi soti, li al mòn Oliv la, jan l' te konn fè a. Disip yo swiv li.

Lik 22:40 (HCB)
Lè l' rive, li di yo: Lapriyè pou n' pa tonbe anba tantasyon.

Lik 22:41 (HCB)
Epi li kite yo, li al pi devan, distans yon moun kab voye yon wòch konsa. Li mete ajenou, li pran lapriyè.

Lik 22:42 (HCB)
Li di: Papa, si ou vle, tanpri, wete gode soufrans sa a devan je mwen. Men, se pa volonte m' ki pou fèt, se volonte pa ou.

Lik 22:43 (HCB)
Lè sa a, yon zanj Bondye soti nan syèl la parèt devan li. Li te vin bay Jezi fòs.

Lik 22:44 (HCB)
Kè Jezi te sere anpil, li t'ap lapriyè pi rèd. Swe t'ap koule sou li tonbe atè tankou gwo degout san.

Lik 22:45 (HCB)
Apre li fin lapriyè, li leve, li vin bò kot disip yo; li jwenn yo ap dòmi sitèlman yo te nan lapenn.

Lik 22:46 (HCB)
Li di yo: Poukisa n'ap dòmi konsa? Leve non, lapriyè pou n' pa tonbe anba tantasyon.

Lik 22:47 (HCB)
Jezi t'ap pale toujou lè yon bann moun vin rive. Jida, yonn nan douz disip yo, t'ap mache devan. Li pwoche bò kot Jezi pou l' bo li.

Lik 22:48 (HCB)
Men, Jezi di li: Jida, se avèk yon bo w'ap trayi Moun Bondye voye nan lachè a?

Lik 22:49 (HCB)
Moun ki te avèk Jezi yo, lè yo wè sak t'apral rive, yo mande li: Mèt, èske nou mèt voye kout nepe?

Lik 22:50 (HCB)
Yonn ladan yo gen tan pote domestik granprèt la yon kou, li koupe zòrèy dwat li.

Lik 22:51 (HCB)
Men, Jezi di yo: Non. Ase. Li manyen zòrèy nonm lan, li geri li.

Lik 22:52 (HCB)
Apre sa, Jezi pale ak chèf prèt yo, chèf lagad tanp lan ansanm ak chèf fanmi yo ki te vin pran li. Li di yo: Nou vin dèyè m' ak nepe epi baton, tankou si m' te yon ansasen.

Lik 22:53 (HCB)
Toulejou mwen te la avèk nou nan tanp lan, nou pa t' chache arete mwen. Men koulye a, se jou pa n', se jou pouvwa ki travay nan fènwa a.

Lik 22:54 (HCB)
Yo arete Jezi, yo mennen li ale. Yo kondi l' kay granprèt la. Pyè t'ap swiv yo yon ti jan lwen lwen.

Lik 22:55 (HCB)
Yo te limen yon dife nan mitan lakou a. Pyè al chita nan mitan moun ki te bò dife a.

Lik 22:56 (HCB)
Yon sèvant wè Pyè chita bò dife a; li fiske je l' sou li, li di: Nonm sa a te avèk li tou.

Lik 22:57 (HCB)
Men, Pyè demanti l', li di: Madanm, mwen pa konnen li.

Lik 22:58 (HCB)
Yon kadè apre, yon lòt wè l', epi l' di: Ou menm tou, ou fè pati moun sa yo. Pyè di: Non, monchè, mwen pa fè pati moun sa yo.

Lik 22:59 (HCB)
Apre yon bon ti moman, yon lòt di l' ankò: Men wi, nonm sa a te avè l'. Se moun Galile li ye.

Lik 22:60 (HCB)
Pyè reponn li: Monchè, mwen pa konnen sa ou ap di la a. Menm lè a, antan li t'ap pale toujou, yon kòk pran chante.

Lik 22:61 (HCB)
Jezi vire, li gade Pyè, epi Pyè vin chonje pawòl Seyè a te di l': Jòdi a, kòk p'ap gen tan chante, w'ap di ou pa konnen mwen pandan twa fwa.

Lik 22:62 (HCB)
Pyè soti, epi li tonbe kriye jouk li pa t' kapab ankò.

Lik 22:63 (HCB)
Mesye ki t'ap veye Jezi yo t'ap pase l' nan rizib. Yo t'ap ba l' kou.

Lik 22:64 (HCB)
Yo te bouche je l', yo t'ap mande li: Ki moun ki ba ou kou sa a? Devinen?

Lik 22:65 (HCB)
Epi yo t'ap di l' anpil lòt jouman ankò.

Lik 22:66 (HCB)
Lè l' fin fè jou, tout chèf fanmi yo, chèf prèt yo ansanm ak dirèktè lalwa yo reyini. Yo fè mennen Jezi devan Gran Konsèy jwif yo.

Lik 22:67 (HCB)
Yo mande li: Manyè di nou: èske se ou ki Kris la? Jezi reponn yo: Si m' reponn nou, nou p'ap vle kwè mwen.

Lik 22:68 (HCB)
Si m' poze nou yon keksyon, nou p'ap vle reponn mwen.

Lik 22:69 (HCB)
Men, depi jòdi a, Moun Bondye voye nan lachè a pral chita sou bò dwat Bondye ki gen pouvwa a.

Lik 22:70 (HCB)
Yo tout di li: Ou se pitit Bondye a, pa vre? Li reponn yo: Apa nou di li. Wi, se sa mwen ye menm.

Lik 22:71 (HCB)
Lè sa a yo di: Sa nou bezwen temwen ankò fè. Nou menm nou fèk tande pawòl ki soti nan bouch li.

Lik 22 HCB

Lik (HCB) Chapter Selection

HCB Book Selection List