1 Istwa 24:1 (HCB)
Men moun ki te soti nan branch fanmi Arawon an dapre travay yo. Arawon te gen kat pitit gason: Nadab, Abiyou, Eleaza ak Itama.

1 Istwa 24:2 (HCB)
Men Nadab ak Abiyou mouri anvan papa yo, san kite pitit gason. Konsa, se Eleaza ak Itama ki vin prèt apre Arawon.

1 Istwa 24:3 (HCB)
Avèk konkou Zadòk, moun fanmi Eleaza a, ak Akimelèk, moun fanmi Itama a, wa David separe moun fanmi Arawon yo an gwoup. Chak gwoup te gen travay pa yo.

1 Istwa 24:4 (HCB)
Men, lè yo jwenn te gen plis gason chèf fanmi nan moun Eleaza yo pase nan moun Itama yo, yo òganize sèz gwoup nan moun Eleaza yo ak wit gwoup nan moun Itama yo.

1 Istwa 24:5 (HCB)
Nan tou de fanmi yo te gen moun ki te chèf nan Tanp lan ak chèf pou fè sèvis Bondye. Chak moun te gen tou pa yo. Yo te fè yo piye pou yo te ka konnen tou chak moun.

1 Istwa 24:6 (HCB)
Se konsa, Chemaja, pitit Netaneyèl, yonn nan moun Levi yo, ki te sekretè, te kouche non yo nan rejis devan wa a, devan chèf yo, devan Zadòk, prèt la, devan Akimelèk, pitit Abyata, ak devan tout chèf fanmi prèt yo ak moun Levi yo. Yo piye yonn apre lòt, de moun Eleaza pou chak yon moun Itama.

1 Istwa 24:7 (HCB)
Men nan ki lòd vennkat gwoup yo te soti lè yo fin piye: Jeoyarib soti premye, Jedaja dezyèm,

1 Istwa 24:8 (HCB)
Arim twazyèm, Seorim katriyèm,

1 Istwa 24:9 (HCB)
Malkija senkyèm, Mijamen sizyèm,

1 Istwa 24:10 (HCB)
Akòz setyèm, Abija wityèm,

1 Istwa 24:11 (HCB)
Jezwa nevyèm, Chekanya dizyèm,

1 Istwa 24:12 (HCB)
Elyakib onzyèm, Yakim douzyèm,

1 Istwa 24:13 (HCB)
Oupa trèzyèm, Jekebeab katòzyèm,

1 Istwa 24:14 (HCB)
Bilga kenzyèm, Imè sèzyèm,

1 Istwa 24:15 (HCB)
Ezi disetyèm, Apizèz dizwityèm,

1 Istwa 24:16 (HCB)
Petaja diznevyèm, Ezekyèl ventyèm,

1 Istwa 24:17 (HCB)
Jakin venteyenyèm, Gamoul venndezyèm,

1 Istwa 24:18 (HCB)
Delaya venntwazyèm, Mazya vennkatriyèm.

1 Istwa 24:19 (HCB)
Se konsa yo te enskri non moun sa yo nan jan pou yo te al nan Tanp lan pou fè travay yo yonn apre lòt, jan Arawon zansèt yo te mete l' pou yo fè l' la, dapre lòd Seyè a, Bondye pèp Izrayèl la, te bay.

1 Istwa 24:20 (HCB)
Men non lòt chèf fanmi ki soti nan fanmi Levi a: Se te Choubayèl nan fanmi Amran, Jedeya nan fanmi Choubayèl,

1 Istwa 24:21 (HCB)
Ichiya nan fanmi Rekabya. Se li ki te pi gran.

1 Istwa 24:22 (HCB)
Te gen Chelomòt nan fanmi Jizeya, Jaat nan fanmi Chelomòt.

1 Istwa 24:23 (HCB)
Nan fanmi Ebwon an te gen Jerija, pi gran an, Amarya, dezyèm lan, Jaziyèl, twazyèm lan ak Jekameam, katriyèm lan.

1 Istwa 24:24 (HCB)
Te gen tou Miche, pitit gason Ouzyèl, Chami, pitit gason Miche.

1 Istwa 24:25 (HCB)
Jikija, frè Miche a, Zakari, pitit gason Jikija,

1 Istwa 24:26 (HCB)
Makli ak Mouchi, pitit gason Merari, pitit gason Jazya yo, ki te pitit Merari.

1 Istwa 24:27 (HCB)
Nan fanmi Merari a, Jazya, pitit li, te gen twa pitit gason: Choam, Zakou ak Ibri.

1 Istwa 24:28 (HCB)
Makli te gen de pitit gason: Eleaza ki pa t' gen pitit gason,

1 Istwa 24:29 (HCB)
ak Kich ki te papa Jerakmeyèl.

1 Istwa 24:30 (HCB)
Mouchi te gen twa gason: Makli, Edè ak Jerimòt. Se tout fanmi Levi yo sa dapre non zansèt yo.

1 Istwa 24:31 (HCB)
Tankou moun fanmi Arawon yo, yo menm tou, yo piye devan wa David, devan Zadòk ak Akimelèk, devan chèf fanmi prèt yo ak moun Levi yo, pou yo separe travay la bay chak moun pa yo, depi sou fanmi chèf yo rive sou fanmi pi piti ladan yo, san patipri.