Matye 1:1 (HCB)
Men non zansèt Jezikri ki te pitit pitit David, pitit pitit Abraram.

Matye 1:2 (HCB)
Abraram te papa Izarak; Izarak te papa Jakòb; Jakòb te papa Jida ak lòt frè l' yo.

Matye 1:3 (HCB)
Jida menm te papa Perèz ak Zara. Se Tama ki te manman yo. Perèz te papa Eswòm; Eswòm te papa Aram.

Matye 1:4 (HCB)
Aram te papa Amenadab; Amenadab te papa Naason; Naason te papa Salmon.

Matye 1:5 (HCB)
Salmon te papa Boaz. Se Raab ki te manman Boaz. Boaz te papa Obèd. Se Rit ki te manman Obèd.

Matye 1:6 (HCB)
Obèd te papa Izayi, Izayi te papa wa David. David te papa Salomon. Se Madan Ouri ki te manman Salomon.

Matye 1:7 (HCB)
Salomon te papa Woboram; Woboram te papa Abya; Abya te papa Asa.

Matye 1:8 (HCB)
Asa te papa Jozafa; Jozafa te papa Joram; Joram te papa Ozyas;

Matye 1:9 (HCB)
Ozyas te papa Joatam; Joatam te papa Akaz; Akaz te papa Ezekyas;

Matye 1:10 (HCB)
Ezekyas te papa Manase; Manase te papa Amon; Amon te papa Jozyas;

Matye 1:11 (HCB)
Jozyas te papa Jekonyas ak lòt frè l' yo. Se lè sa a yo te depòte moun pèp Izrayèl yo, yo mennen yo ale lavil Babilòn.

Matye 1:12 (HCB)
Apre yo te fin mennen yo ale lavil Babilòn, Jekonyas te fè Salatyèl. Salatyèl te papa Zowobabèl;

Matye 1:13 (HCB)
Zowobabèl te papa Abiyoud; Abiyoud te papa Elyakim; Elyakim te papa Azò;

Matye 1:14 (HCB)
Azò te papa Sadòk; Sadòk te papa Akim; Akim te papa Eliyoud;

Matye 1:15 (HCB)
Eliyoud te papa Eleaza; Eleaza te papa Matan; Matan te papa Jakòb;

Matye 1:16 (HCB)
Jakòb te papa Jozèf. Se Jozèf sa a ki te marye ak Mari, manman Jezi yo rele Kris la.

Matye 1:17 (HCB)
Konsa, pran depi Abraram jouk nou rive sou David, te gen antou katòz jenerasyon papa ak pitit. Pran depi David jouk nou rive lè yo te depòte pèp Izrayèl la ale lavil Babilòn, te gen antou katòz jenerasyon papa ak pitit. Pran depi lè yo te depòte pèp la jouk nou rive sou Kris la, te gen katòz jenerasyon papa ak pitit tou.

Matye 1:18 (HCB)
Men ki jan Jezikri te fèt. Mari, manman Jezi, te fiyanse avèk Jozèf. Anvan menm yo te antre nan kay ansanm, Mari vin twouve l' ansent pa pouvwa Sentespri.

Matye 1:19 (HCB)
Jozèf, fiyanse l' la, te yon nonm debyen. Li pa t' vle fè eskandal ak sa. Li te vle kase fiyansaj la san bri san kont.

Matye 1:20 (HCB)
Li t'ap kalkile sou jan li tapral fè sa lè li wè yon zanj Bondye parèt devan li nan dòmi. Zanj lan di li: Jozèf, pitit pitit David, ou pa bezwen pè pran Mari pou madanm ou. Paske, pitit l'ap pote a se travay Sentespri.

Matye 1:21 (HCB)
Li pral fè yon pitit gason. Wa rele l' Jezi. Se li menm ki pral delivre pèp li a anba peche l' yo.

Matye 1:22 (HCB)
Tou sa pase konsa pou pawòl Bondye te mete nan bouch pwofèt la te ka rive vre. Men sa l' te di:

Matye 1:23 (HCB)
Men li, jenn fi a pral ansent, li pral fè yon pitit gason. y'a rele l' Emannwèl. (Non sa a vle di: Bondye avèk nou.)

Matye 1:24 (HCB)
Lè Jozèf leve nan dòmi an, li fè tou sa zanj Bondye a te di l' fè: li pran madanm li lakay li.

Matye 1:25 (HCB)
Men, Jozèf pa t' kouche ak Mari, jouk lè li te fin akouche yon ti gason. Jozèf te rele pitit la Jezi.