Resansman 33:1 (HCB)
Men non tout kote moun Izrayèl yo te pase depi apre yo tout te soti kite peyi Lejip tankou yon lame, avèk Moyiz ak Arawon alatèt yo.

Resansman 33:2 (HCB)
Dapre lòd Seyè a te bay Moyiz, chak kote yo te rive, li te make non kote a anvan yo reprann vwayaj yo.

Resansman 33:3 (HCB)
Moun pèp Izrayèl yo te kite lavil Ranmsès jou ki te kenzyèm jou nan premye mwa a, yon jou apre premye Fèt Delivrans lan. Yo soti kite peyi a devan je tout moun peyi Lejip yo san pesonn pa di yo anyen.

Resansman 33:4 (HCB)
Lè sa a, moun peyi Lejip yo t'ap antere premye pitit gason yo. Se Seyè a menm ki te touye yo. Se konsa li te fè wè li gen plis pouvwa pase bondye moun peyi Lejip yo

Resansman 33:5 (HCB)
Moun pep Izrayèl yo kite lavil Ranmsès, yo rive yon kote ki rele Soukòt. Se la yo moute kan yo.

Resansman 33:6 (HCB)
Apre sa, yo kite Soukòt, y' al moute kan yo Etam ki sou limit dezè a.

Resansman 33:7 (HCB)
Yo kite Elam, yo tounen sou Pi ayiwòt, ki anfas Baal-Sefon, bò solèy leve, epi yo moute kan yo devan Migdòl.

Resansman 33:8 (HCB)
Yo kite Pi ayiwòt, yo travèse Lanmè Wouj la, yo rive nan dezè a. Yo pase twa jou ap mache nan dezè Etam lan, yo rive Mara kote yo moute kan yo.

Resansman 33:9 (HCB)
Yo kite Mara, yo rive Elim kote ki te gen douz sous dlo ak swasanndis pye palmis. Yo moute kan yo la.

Resansman 33:10 (HCB)
Yo kite Elim, y' al moute kan yo toupre Lanmè Wouj la.

Resansman 33:11 (HCB)
Yo kite Lanmè Wouj, y' al moute kan yo nan dezè Zin lan.

Resansman 33:12 (HCB)
Yo kite dezè Zin lan, y' al moute kan yo Dofka.

Resansman 33:13 (HCB)
Yo kite Dofka, y' al moute kan yo Alouch.

Resansman 33:14 (HCB)
Yo kite Alouch, y' al moute kan yo Refidim kote pèp la pa t' jwenn dlo pou yo bwè a.

Resansman 33:15 (HCB)
Yo kite Refidim, y' al moute kan yo nan dezè Sinayi a.

Resansman 33:16 (HCB)
Yo kite dezè Sinayi a, y' al moute kan yo Simityè Grangou.

Resansman 33:17 (HCB)
Yo kite Simityè Grangou, y' al moute kan yo Azewòt.

Resansman 33:18 (HCB)
Yo kite Azewòt, y' al moute kan yo Ritma.

Resansman 33:19 (HCB)
Yo kite Ritma, y' al moute kan yo Rimonn Perèz.

Resansman 33:20 (HCB)
Yo kite Rimonn Perèz, y' al moute kan yo Libna.

Resansman 33:21 (HCB)
Yo kite Libna, y' al moute kan yo Risa.

Resansman 33:22 (HCB)
Yo kite Risa, y' al moute kan yo Keyelata.

Resansman 33:23 (HCB)
Yo kite Keyelata, y' al moute kan yo sou mòn Chefè a.

Resansman 33:24 (HCB)
Yo kite mòn Chefè a, y' al moute kan yo Arada.

Resansman 33:25 (HCB)
Yo kite Arada, y' al moute kan yo Makelòt.

Resansman 33:26 (HCB)
Yo kite Makelòt, y' al moute kan yo Tayat.

Resansman 33:27 (HCB)
Yo kite Tayat, y' al moute kan yo Tara.

Resansman 33:28 (HCB)
Yo kite Tara, y' al moute kan yo Mitka.

Resansman 33:29 (HCB)
Yo kite Mitka, y' al moute kan yo Asmona.

Resansman 33:30 (HCB)
Yo kite Asmona, y' al moute kan yo Mosewòt.

Resansman 33:31 (HCB)
Yo kite Mosewòt, y' al moute kan yo Benè-Jakan.

Resansman 33:32 (HCB)
Yo kite Benè-Jakan, y' al moute kan yo Ogidgad.

Resansman 33:33 (HCB)
Yo kite Ogidgad, y' al moute kan yo Jotbata.

Resansman 33:34 (HCB)
Yo kite Jotbata, y' al moute kan yo Abwona.

Resansman 33:35 (HCB)
Yo kite Abwona, y' al moute kan yo Ezyongebè.

Resansman 33:36 (HCB)
Yo kite Ezyongebè, y' al moute kan yo nan dezè Zin lan, ki vle di Kadès.

Resansman 33:37 (HCB)
Yo kite Kadès, y' al moute kan yo sou mòn Or, toupre fwontyè peyi Edon an.

Resansman 33:38 (HCB)
Dapre lòd Seyè a te bay la, Arawon, prèt la, moute sou tèt mòn lan. Se la li mouri. Lè sa a, moun pèp Izrayèl yo te gen trantnevan kat mwa yon jou depi yo te soti kite peyi Lejip.

Resansman 33:39 (HCB)
Lè Arawon mouri sou mòn Or la, li te gen sanvenntwazan sou tèt li.

Resansman 33:40 (HCB)
Wa Arad, yon moun Kanaran ki te rete nan pati sid peyi Kanaran yo rele Negèv la, vin konnen moun Izrayèl yo t'ap rive.

Resansman 33:41 (HCB)
Se konsa, moun Izrayèl yo kite Mòn Or la, y' al moute kan yo Zalmona.

Resansman 33:42 (HCB)
Yo kite Zalmona, y' al moute kan yo Pounon.

Resansman 33:43 (HCB)
Yo kite Pounon, y' al moute kan yo Obòt.

Resansman 33:44 (HCB)
Yo kite Obòt, y' al moute kan yo Ije abrarim nan peyi Moab la.

Resansman 33:45 (HCB)
Yo kite Ije abrarim nan peyi Moab la, y' al moute kan yo Dibon Gad.

Resansman 33:46 (HCB)
Yo kite Dibon Gad, y' al moute kan yo Almon-Diblatayim.

Resansman 33:47 (HCB)
Yo kite Almon-Diblatayim, y' al moute kan yo sou mòn Abarim yo, anfas Mòn Nebò, bò solèy leve.

Resansman 33:48 (HCB)
Yo kite mòn Abarim yo, y' al moute kan yo nan plenn Moab yo, lòt bò larivyè Jouden, anfas lavil Jeriko.

Resansman 33:49 (HCB)
Yo te moute kan yo nan tout plenn Moab yo, toupre larivyè Jouden an, depi Bèt ayechimòt jouk Abèl-Chitim.

Resansman 33:50 (HCB)
Antan yo la nan plenn Moab yo, toupre larivyè Jouden, anfas lavil Jeriko, Seyè a pale ak Moyiz, li di l' konsa:

Resansman 33:51 (HCB)
Men sa pou ou di moun pèp Izrayèl yo pou mwen. Lè n'a janbe lòt bò larivyè Jouden pou nou antre nan peyi Kanaran an,

Resansman 33:52 (HCB)
se pou nou mete tout moun ki rete nan peyi a deyò. N'a kraze tout estati zidòl yo fè nan moul, osinon ki fèt ak wòch, n'a demoli mete atè dènye kay kote moun yo fè sèvis pou bondye yo.

Resansman 33:53 (HCB)
N'a pran peyi a pou nou, n'a rete ladan l' paske se mwen menm ki ban nou li pou bitasyon nou.

Resansman 33:54 (HCB)
N'a tire osò pou nou ka separe l' bay chak branch fanmi pa yo. N'a bay branch fanmi ki anpil la yon gwo pòsyon. N'a bay branch fanmi ki pa anpil la yon ti pòsyon. Chak branch fanmi va resevwa pòsyon ki va vin pou l' a. Se konsa n'a separe tè a bay chak branch fanmi zansèt nou yo pa yo.

Resansman 33:55 (HCB)
Men, si nou pa mete moun ki rete nan peyi a deyò, sa ki va rete yo pral ban nou gwo pwoblèm. Y'ap tankou yon pay ki tonbe nan je nou, osinon tankou pikan k'ap pike nou nan tout kò nou. Yo pral tounen yon tizon pou nou lè n'a fin tabli nan peyi a.

Resansman 33:56 (HCB)
Lè sa a, sa m' te fè lide fè yo a, se nou m'ap fè l'.