Jenez 11 | HCB Bible Study

Jenez 11:1 (HCB)
Nan konmansman, tout moun sou latè te pale yon sèl lang, yonn te konprann lòt.

Jenez 11:2 (HCB)
Apre yo pati soti kote solèy leve a, yo rive nan yon plenn nan peyi Chenea. Yo moute kay yo la, yo rete.

Jenez 11:3 (HCB)
Lè sa a, yonn di lòt. Mezanmi, vini non! Ann fè brik. Ann kwit yo nan dife. Se konsa, yo pran brik sèvi wòch pou bati kay, yo pran asfat sèvi mòtye.

Jenez 11:4 (HCB)
Apre sa, yo di. Annou wè! Ann bati yon gwo lavil pou nou rete ak yon gwo gwo kay tout won byen wo ki rive jouk nan syèl la. Konsa tout moun va respekte nou, yo p'ap ka gaye nou toupatou sou latè.

Jenez 11:5 (HCB)
Seyè a desann pou l' wè lavil la ansanm ak gwo kay won moun yo t'ap bati a.

Jenez 11:6 (HCB)
Epi li di. Koulye a, gade! Yo tout fè yon sèl pèp. Yo tout yo pale yon sèl lang. Gade sa yo konmanse ap fè. Talè konsa y'ap pare pou yo fè sa yo vle.

Jenez 11:7 (HCB)
Bon. N'ap desann, n'ap mele lang yo. Konsa, yonn p'ap ka konprann sa lòt ap di.

Jenez 11:8 (HCB)
Se konsa Seyè a gaye yo toupatou sou latè. Yo sispann bati lavil la.

Jenez 11:9 (HCB)
Se poutèt sa yo rele lavil la Babèl, paske se la Seyè a te mele lang tout moun ki rete sou latè, li fè yo pati, li gaye yo toupatou sou latè.

Jenez 11:10 (HCB)
Men pitit pitit Sèm yo. Dezan apre inondasyon an, Sèm te gen santan (100 an) lè li fè yon pitit gason yo rele Apachad.

Jenez 11:11 (HCB)
Apre sa, li viv senksanzan (500 an) ankò. Li te fè lòt pitit gason ak pitit fi.

Jenez 11:12 (HCB)
Apachad te gen trannsenkan lè li te fè yon pitit gason yo rele Chela.

Jenez 11:13 (HCB)
Apre sa, li viv katsantwazan (403 an) ankò. Li te fè lòt pitit gason ak pitit fi.

Jenez 11:14 (HCB)
Chela te gen trantan lè li fè yon pitit gason yo rele Ebè.

Jenez 11:15 (HCB)
Apre sa, li viv katsantwazan (403 an) ankò. Li te fè lòt pitit gason ak pitit fi.

Jenez 11:16 (HCB)
Ebè te gen trannkatran lè li fè yon pitit gason yo rele Pelèg.

Jenez 11:17 (HCB)
Apre sa, li viv katsantrantan (430 an). Li te fè lòt pitit gason ak pitit fi.

Jenez 11:18 (HCB)
Pelèg te gen trantan lè li fè yon pitit gason yo rele Reou.

Jenez 11:19 (HCB)
Apre sa, li viv desannevan (209 an) ankò. Li te fè lòt pitit gason ak pitit fi.

Jenez 11:20 (HCB)
Reou te gen tranndezan lè li fè yon pitit gason yo rele Sewoug.

Jenez 11:21 (HCB)
Apre sa, li viv desansetan (207 an) ankò. Li fè lòt pitit gason ak pitit fi.

Jenez 11:22 (HCB)
Sewoug te gen trantan lè li fè yon pitit gason yo rele Nakò.

Jenez 11:23 (HCB)
Apre sa, li viv desanzan (200 an) ankò. Li te fè lòt pitit gason ak pitit fi.

Jenez 11:24 (HCB)
Nakò te gen ventnevan lè li fè yon pitit gason yo rele Terak.

Jenez 11:25 (HCB)
Apre sa, li viv sandiznevan (119 an) ankò. Li te fè lòt pitit gason ak pitit fi.

Jenez 11:26 (HCB)
Terak te gen swasanndizan lè li fè twa pitit gason yo rele Abram, Nakò ak Aran.

Jenez 11:27 (HCB)
Men pitit ak pitit pitit Terak yo: Terak te papa Abram, Nakò ak Aran. Aran te papa Lòt.

Jenez 11:28 (HCB)
Aran mouri anvan papa l'. Li mouri lavil Our nan peyi Kalde kote l' te fèt la.

Jenez 11:29 (HCB)
Abram ak Nakò te fè pozisyon. Abram marye ak Sarayi, Nakò marye ak Milka, pitit fi Aran. Aran te gen yon lòt pitit ankò yo te rele Jiska.

Jenez 11:30 (HCB)
Sarayi pa t' gen pitit, li pa t' ka fè pitit.

Jenez 11:31 (HCB)
Terak pran pitit li, Abram, pitit pitit li, Lòt, ki te pitit Aran, ansanm ak bèlfi li Sarayi ki te madanm Abram, pitit li. Li pati ak yo, li kite lavil Our nan peyi Kalde pou li ale nan peyi Kanaran. Men lè yo rive lavil Karan, yo te rete la.

Jenez 11:32 (HCB)
Se la Terak mouri. Li te gen desansenkan (205 an).

Previous Chapter
« Jenez 10

Next Chapter
Jenez 12 »

Jenez (HCB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

HCB Book Selection List

View full list of HCB Bible Books and Chapters